Uruqvayın Maldonado şəhərindəki “Dominqo Burgenyo” stadionunda Cənubi Amerika Kubokunun final oyunu keçirilib.

Fanat.Az xəbər verir ki, qitənin ikinci dərəcəli klub turnirinin həlledici matçında Braziliya “Fortaleza”sı ilə Ekvador “LDU Kito”su qarşılaşıb.

Görüşün əsas vaxtında tərəflər hərəyə 1 dəfə fərqləniblər. Hər iki qolu argentinalı futbolçular vurub. Komandaların əlavə vaxtda üstünlük qazanmaq cəhdi fayda vermədiyindən oyunsonrası penaltilərə ehtiyac duyulub. Penaltiləri daha dəqiq yerinə yetirən “LDU Kito” turnirin qalibi olub.

Cənubi Amerika Kuboku, final oyunu

Fortaleza – LDU Kito 1:1 (3:4)
Qollar: Xuan Lusero, 48 – Lisandro Alzuqaray, 56

Qeyd edək ki, bu, Ekvador təmsilçisinin ikinci belə uğurudur. Sözügedən kollektiv 2009-cu ildə də finalda qələbə sevinci yaşamışdı.

Follow @7timesaz