“Mənə verilən sualı əgər mən düzgün cavablandırıramsa, buna görə heç kim məndən inciməsin. Kimsə nəyisə başqa cürə qəbul edibsə, artıq onun öz yazıqlığıdır”.
Bizim.Media xəbər verir ki, bu sözləri Əməkdar artist Elza Seyidcahan “Şourum” maqazin verilişinə müsahibəsində deyib.
Müğənni Səidə Sultanın mahnıları ilə deyil, açıq-saçıqlığı ilə gündəmdə qaldığını iddia edən Elzanın cavabı qarşı tərəfdən gecikmədi.
Sultanın Seyidcahana ünvanladığı “Mən niyə yazıq oluram ki? Yazıq sənsən” ifadəsindən sonra ikili arasında qalmaqal daha da alovlanıb.
Əməkdar artist həmkarına od püskürüb:
“Yazıq o insana ki, yaxşı dediyim sözü özünə bir xəncər çevirir. Yəqin onun Allah tərəfindən bəsirət gözü bağlanıb, lənətlənmişdir. Onlara pis söz gələndə, söyüşlə cavab verirlər. İstəyirlər ki, savaşıb-dalaşsınlar, sonra da peşman olub gəlib üzr istəsinlər.
Səidənin Elzaya dediyi “Onun “İQ” səviyyəsi 70%” sözlərinə Seyidcahan “Qədeş söhbətləri” mənlik deyil. Mən aristokrat, mədəni, klassik xanımam. Ona görə də hər şeyə klassik yanaşıram” – deyə, cavab verib.