Fransa səfiri Frederik Billet ölkə prezidenti Emmanuel Makronun sərt ifadələrinə görə Polşa Xarici İşlər Nazirliyinə çağırılıb.

Sfrera.az xəbər verir ki, bu barədə Polşa Xarici İşlər Nazirliyinin sözçüsü Lukas Jasina “Twitter” səhifəsində yazıb.

Makron “Le Parisien” jurnalına müsahibəsində Polşanın baş naziri Mateuş Moravetskini Fransadakı ifrat millətçi “Milli Cəbhə” partiyasının lideri Marin Le Penə prezident seçkilərində qalib gəlməkdə kömək etməkdə ittiham edib.

Makron Polşa baş nazirini “ifrat sağçı antisemit” adlandırıb.