Dünya

Hamını gözlədən Putini bu dəfə o, gözlətdi – VİDEO

Hamını gözlədən Putini bu dəfə o, gözlətdi – VİDEObackend
  • whatsapp
  • messenger
  • telegram
  • vkontakte
  • odnoklassniki

Xəbər verdiyimiz kimi, Özbəkistanın Səmərqənd şəhərində Şanxay Əməkdaşlıq Təşkilatının dövlət başçılarının Zirvə görüşü keçirilir.

Səmərqəndə səfəri çərçivəsində Rusiya Prezidenti Vladimir Putin də bir neçə ikitərəfli görüş keçirib.

Bu görüşlərdən biri Qırğızıstan Prezidenti Sadır Japarovla olub. Görüş maraqlı detalla yadda qalıb. Belə ki, görüşlərə gecikməsi ilə tanınan Vladimir Putini bu dəfə Sadır Japarov gözlədib. Bu hal kameralardan yayınmayıb. Putin qırğız həmkarını yarım dəqiqə gözləməli olub.

Xatırladaq ki, oxşar hadisə iyulun 19-u Tehranda Putinlə Türkiyə Prezidenti Rəcəb Tayyib Ərdoğan arasında keçirilən görüşdə də baş verib. Görüşdən əvvəl Putinin türkiyəli həmkarını gözləməsini əks etdirən videogörüntülər gündəmə çevrilib. Belə ki, Putin görüş otağına Ərdoğandan əvvəl gəlib və təqribən 50 saniyə ərzində həmkarının gəlişini gözləyib. Kameralar isə həmin dəqiqələrdə Putinin reaksiyalarını yaxından izləyib.

Xarici media yazır ki, Vladimir Putin görüşlərə gecikməsi xüsusiyyəti ilə məşhurdur. Bildirilir ki, o, müxtəlif vaxtlarda Roma Papası Fransisk, ABŞ-ın keçmiş Prezidenti Donald Tramp, mərhum Britaniya Kraliçası II Elizabet və digərləri ilə görüşlərə gecikib. Rusiya liderinin, hətta bəzi görüşlərə bir neçə saat gecikdiyi də qeyd olunub. Tehranda isə Putin Ərdoğanı gözləməli olub.