Futbol üzrə Türkiyə millisinin sabiq üzvü İlhan Mansız azərbaycanlı sevgilisi ilə görüntülənib.
BAKU.WS xəbər verir ki, cütlük ötən gün İstanbulun Nişantaşı səmtində obyektivlərə tuş gəlib. Leyla adlı xanımla eşq yaşayan keçmiş futbolçu jurnalistlərin suallarını cavablandırıb. İlhan Leyla ilə hazırda çox xoşbəxt olduğunu bildirib:
“Gördüyünüz kimi ailəmizə daha biri qatıldı. Hələ adını qoymamışıq. Bundan başqa həyatımda hər şey yolundadır. Leyla ilə çox xoşbəxtik”.
Məlumat üçün bildirək ki, İlhan Mansızın azərbaycanlı sevgilisi Leyla Türkiyədə modellik edib. Hazırda o, blogerliklə məşğuldur. İlhan və Leyla sosial şəbəkədə tanış olublar.
