Yəməndə İranın dəstəklədiyi Husi üsyançıları Marib vilayətinin mərkəzinə yaxın yerləşən Əl-Cubə rayonunun bəzi kəndlərini ələ keçirib.

7Times.az  xəbər verir ki, bu barədə yerli mənbələr Anadolu agentliyinə açıqlama verib. Məlumata görə, Rayondakı 3 kənd və 1 qəsəbə üsyançıların nəzarətinə keçib. Yəmən ordusu üsyançıların qarşısını almaq üçün bölgəyə əlavə qüvvələr cəlb edib.

Müdafiə xətti gücləndirilib. Bölgədə şiddətli toqquşmalar qeydə alınır.