Bazar günü İstanbulda Avropanın ən sürətli metro xətti istifadəyə verilib.

O, Türkiyə şəhərini onun Avropa hissəsindəki beynəlxalq hava limanı ilə birləşdirir.

Yerli hakimiyyət orqanlarının məlumatına görə, qatarlar yeni xətt üzrə 90-120 km/saat sürətlə hərəkət edəcək.

Türkiyənin nəqliyyat naziri Adil Karaismailoğlu bildirib ki, 34 kilometrlik xəttin çəkildiyi Kağıthane stansiyasından İstanbul hava limanına gediş müddəti təxminən 24 dəqiqə çəkəcək. Onun sözlərinə görə, yeni stansiyaların ona qoşulması ilə xəttin ümumi uzunluğu 69 km olacaq.

“Biz ilin sonuna qədər İstanbulun bütün Avropa hissəsini əhatə edəcək nəhəng metro sistemi yaradırıq”, – o, TRT telekanalına deyib.

Nəqliyyat Nazirliyi rəhbərinin sözlərinə görə, gələcəkdə yeni metro xətti yüksək sürətli dəmir yolu xətti ilə birləşdiriləcək.

“İstanbul hava limanı Ankaradan gələn sürət qatarının dayanacağına çevriləcək. Layihə tender mərhələsindədir, bir il ərzində bu xəttin çəkilməsi ilə bağlı işlərə başlamaq planlaşdırılır”, – nazir bildirib.

Follow @7timesaz