Azərbaycan əsilli Kamilə Vəliyeva Sankt-Peterburqda keçirilən fiqurlu konkisürmə üzrə Rusiya çempionatının qalibi olub.
7times.az xəbər verir ki, Vəliyeva sərbəst konkisürmədə topladığı xallara və iki proqramın cəminə görə öz dünya rekordunu qırıb, lakin Beynəlxalq Konkisürmə İttifaqı milli turnirlərin nəticələrini nəzərə almadığı üçün bu nailiyyət rəsmi olaraq təsdiqlənməyəcək.
15 yaşlı yeniyetmə ümumilikdə 283,48 bal toplayaraq çempion adına layiq görülüb. İkinci yeri Aleksandra Trusova (248,65) tutub, hazırkı dünya çempionu Anna Şerbakova (239,56) isə bürünc medala sahib olub.