“Mən parlament məsələləri üzrə köməkçimi işdən qovmaq istəməzdim, ancaq xalqı və inancımı dostluqdan üstün tutdum”.

Bunu İran Prezidenti Məsud Pezeşkian parlament məsələləri üzrə köməkçisi Şəhram Dəbirini vəzifəsindən kənarlaşdırmasından danışarkən deyib.

Pezeşkian cəmiyyətin vəziyyətini və xalqın narazılığını qəbul etdiyini bildirərək vurğulayıb: “Bizim bir çox problemimiz var, lakin hökumət məsələni ört-basdır etmək əvəzinə, problemi həll etməyə çalışır”.

Qeyd edək ki, ölkədə iqtisadi böhranın yüksək olduğu bir vaxtda Şəhram Dəbirinin Argentinaya səfərinin sosial şəbəkələrdə tənqid edilməsindən sonra Pezeşkian onu işdən qovub.

“AzPolitika.info”