İspaniya Kral Kubokunda “Real Madrid” üzərində qələbə (4:2) “Atletiko Madrid”ə baha başa gəlib.

Fanat.Az “Sport.es”-ə istinadən xəbər verir ki, derbidə əlavə vaxtın son dəqiqələrində ehtiyatdan oyuna qoşulan və zədə səbəbindən meydanı tərk etmək məcburiyyətində qalan 34 yaşlı müdafiəçi Sezar Azpilikuetanın durumu ciddidir.

Müayinə nəticəsində bəlli olub ki, futbolçunun xarici menisküsü cırılıb və bu, onu 8-12 həftə buraxmağa məcbur edəcək. Sezarın əməliyyata ehtiyacı olub-olmayacağı və ya hər şeyin müalicə ilə idarə olunacağı dərin müayinədən sonra məlum olacaq.

Qeyd edək ki, Aspilikueta bu mövsüm “Atletiko”nun heyətində bütün turnirlərdə 22 oyun keçirib və 1 məhsuldar ötürmə edib.