İngiltərə çempionatının açılış turu çərçivəsində “Mançester Yunayted” səfərdə “Vulverhempton” üzərində 1:0 hesablı minimal hesablı qələbəni bayram edib. 

7Times.Az Fanat.Az-a istinadən xəbər verir ki, “qırmızı şeytanlar” bu nəticə sayəsində çempionatın rekorduna imza atıb.

Sosial media insayderi Deyv Stetmanın hesablamasına görə, “Mançester Yunayted” 21-ci dəfə Premyer Liqanın ilk turunda qalib gəlib. Əvvəllər heç bir klub bunu edə bilməyib. Dünənki qarşılaşmada yeganə qolu müdafiəçi Rafael Varan vurub.

İngiltərə Premyer Liqasının növbəti oyununda mançesterlilər Londonun “Tottenhem” klubu ilə qarşılaşacaq. Qarşılaşma şənbə günü, avqustun 19-da baş tutacaq.

Follow @7timesaz