ABŞ-ın Missuri ştatında böyük səs-küyə səbəb olan hadisə qeydə alınıb.

7Times.az  xarici mediaya istinadən xəbər verir ki, hadisə “Nixa” liseyində baş verib.

Liseydə çalışan Lena Stüart adlı qadın müəllimin 16 yaşlı şagirdinə təcavüz etdiyi ortaya çıxıb. 26 yaşlı qadın şagirdinə yüksək qiymət yazmaq müqabilində onunla zorla cinsi əlaqədə olub.

Hadisənin ortaya çıxmasından sonra müəllimlə bağlı istintaq başladılıb. İstintaq çərçivəsində adı açıqlanmayan şagirdin ifadəsi alınıb. Şagird ifadəsində bildirib ki, qiymətləri aşağı olub. Müəllim isə ona yüksək qiymət yazacağını, lakin bunun üçün onunla cinsi əlaqədə olmalı olduğunu bildirib. Şagird qəbul etmədikdə müəllim onu məcbur edib. Şagird qeyd edib ki, müəllimi onunla bəzən evində, bəzən də  avtomobilində cinsi əlaqədə olub.

Müəllimin bu davranışı böyük ictimai qınağa səbəb olub. Valideynlər onun liseydən qovulmasını və ciddi cəzalandırılmasını tələb ediblər.

Sözügedən əyalətdə cinsi yetkinlik yaşı 16 olsa da, müəllim uşağa təcavüzdən mühakimə olunacaq.

Savash.org

Follow @7timesaz