İsrail Baş Qərargah rəisi Herzi Halevi İsrailin İran hərb iobyektlərini vurmasından sonra İranı İsrailə qarşı növbəti hücumlara başlamamağa çağırıb.

İsrailin cənubundakı Ramon Hərbi Hava Bazasında çıxış edən Halevi deyib ki, “Əgər İran səhv edib İsrailə yeni raket hücumu təşkil edərsə, İrana necə çatacağımızı bir daha biləcəklər”.

Halevi xəbərdarlıq edib ki, İran yenidən hücum edərsə, İsrail bu dəfə istifadə etmədiyi vasitələrlə İrana daha ağır zərbələr vuracaq.

“Bu məsələ bitməyib, hələ işin ortasındayıq”, – deyə Halevi əlavə edib.