“Milan” rəhbərliyi komandanın 37 yaşlı hücumçusu Olivye Jiru barədə qərarını verib.

Fanat.Az-ın məlumatına görə, informasiyanı tanınmış insayder Nikolo Skira şəxsi “X” hesabı üzərindən yayıb.

Mənbə “qırmızı-qaralar”ın indiki müqaviləsinin müddəti gələn ilin yayında başa çatacaq fransalı futbolçuya yeni anlaşma təklif etməyi planlaşdırdığını vurğulayıb. Sözləşmənin müddətinin 2025-ci ilin yayına qədər olacağı bildirilib. Xəbərdə Jirunun artıq Səudiyyə Ərəbistanı və MLS liqasından olduqca sərfəli təkliflər aldığı və onun seçim imkanının geniş olduğu da diqqətə çatdırılıb.

37 yaşlı Jiru 2021/2022 mövsümünün əvvəlindən “Milan”da çıxış edir. Cari mövsüm “rossonerlər”in forması ilə ümumilikdə 12 oyuna çıxan Olivye 6 qol və 3 məhsuldar ötürmə müəllifi olub.