Gündəm

Müdafiə naziri Sarkisyanı döyübmüş… – ŞOK FAKTLAR

Müdafiə naziri Sarkisyanı döyübmüş… – ŞOK FAKTLARbackend
  • whatsapp
  • messenger
  • telegram
  • vkontakte
  • odnoklassniki

Xəbər verdiyimiz kimi, bu gün Ermənistan prezidenti Armen Sarkisyan vəzifəsindən istefa verib. O, qəfil istefasını daxili və xarici siyasətə təsir alətlərinin olmaması ilə əlaqələndirib. A.Sarkisyan, bildirib ki, Ermənistanda paradoksal vəziyyət yaranıb və prezident faktiki olaraq heç bir real alətə malik olmadan dövlətçiliyin təminatçısı olmağa məcburdur. 

Gözlənilməz istefası ilə Ermənistanın siyasi gündəmini dəyişən Armen Sarkisyan kimdir?

7Times.az bildirir ki, Sarkisyan 1953-cü ildə İrəvanda anadan olub. İrəvan Dövlət Universitetinin Nəzəri fizika-riyaziyyat fakültəsini bitirib. Sovet illərində bir neçə universitetdə elmi işçi, daha sonra Kembric Universitetində, London Universitetinin Riyaziyyat İnstitutunda professor vəzifəsində çalışıb.

A.Sarkisyan 1992-1995-ci illərdə Ermənistanın Böyük Britaniyadakı səfiri vəzifəsində çalışıb. Eyni zamanda, o, Avropada “Baş səfir”, Avropa İttifaqında, Belçika, Niderland, Lüksemburq və Vatikanda (1999-cu ilə qədər) səfir olub.

Xatırladaq ki, 1996-cı ilin sonunda o vaxtkı Ermənistan prezidenti Levon Ter-Petrosyan ciddi kadr dəyişiklikləri etməyə qərar verib. 1996-cı ilin çaxnaşmalı prezident seçkilərinin izlərini təmizləməyə çalışan Petrosyan 1996-cı ilin noyabrında gözlənilmədən ölkənin Baş naziri Hrant Baqratyanı istefaya göndərib və Armen Sarkisyanı bu vəzifəyə təyin edib. O zaman qəribə qəbul edilsə də, bu təyinat kifayət qədər müsbət hesab olunurdu. Avropada təhsil almış və orada yaşayan gənc Ermənistan üçün yeni nəfəs ola, islahatlar apara, daxili siyasi gərginliyi azalda bilərdi. Amma ehtimallar baş vermədi. Həmin vaxt hakim siyasi qüvvə hesab olunan Erməni Milli Hərəkatı birmənalı şəkildə Sarkisyanı qəbul etmədi. Tezliklə o və Ermənistanın müdafiə naziri Vazgen Sarkisyan arasında gərginlik yarandı. Beləliklə, Sarkisyan vəzifəyə təyin olunandan cəmi 4 ay sonra istefaya getdi.

Ümidləri doğrultmayan Armen buna səbəb kimi sağlamlıq problemlərini göstərirdi. Amma Sarkisyanın istefasına müdafiə naziri ilə mübahisənin səbəb olması daha inandırıcı variant hesab olunurdu. Həmin vaxt mətbuatda yer alan silsilə məlumatlar görə, Vazgen Sarkisyan mübahisə zəminində onu döyübmüş. Lakin Sarkisyanın özü bu məlumatı təkzib etsə də, yerli media müdafiə nazirinin baş nazirə sillə vurması barədə kifayət qədər tutarlı faktları ictimaiyyətə təqdim etmişdi.

Onu da qeyd edək ki, 1997-ci ildə Armen Sarkisyanın istefasından sonra Robert Koçaryan Ermənistanın baş naziri vəzifəsinə təyin olundu. Bundan bir il sonra Levon Ter-Petrosyan istefa verdi və beləliklə, Ermənistanda “Qarabağ klanı” adlandırılan siyasətçilərin hakimiyyəti başladı…/Modern.az