Müğənni Nadir Qafarzadə həmkarı Ayan Babakişiyeva ilə birgə səmimi görüntülərinə görə üzr istəyib.

7Times.az xəbər verir ki, sənətçi bu barədə instaqram səhifəsində paylaşım edib. Nadir qatıldığı ad günü məclisində spirtli içki qəbul etdiyini və bu səbəbdən sərgilədiyi davranışa görə utandığını bildirib:

“Düşünürəm ki, düz etməmişəm. Ad gününə getmişəm, içki qəbul etmişəm. Özümü o cür aparmaq mənə yaraşmadı. Utanıram, xəcalət çəkirəm. Bu da mənim səhvlərimdən biridir. Bir daha olmayacaq. Allah bağışlayandır, siz də məni bağışlayarsız. Hərəkətimə görə xalqdan üzr istəyirəm. Bu sonuncu hərəkətim təkrarlanmayacaq. Məni heç kəs buna məcbur etməyib, öz daxilimdən gəldiyi üçün belə etdim”.

Qeyd edək ki, N. Qafarzadə öz instaqram hesabının hekayə bölümündə A. Babakişiyeva ilə videolarını paylaşmış, mahnı sədaları altında rəqs etmiş və xanım həmkarını dəfələrlə öpmüşdü. Həmçinin ifaçı Günel Ələkbərova da cütlüyün səmimi görüntülərini yaymışdı.

Onun bu addımı sosial şəbəkələrdə müzakirələrə səbəb olmuşdu.