Müğənni Nadir Bayramlı repertuarında hitə çevrilən “Həsrət nəğməsi” mahnısının həmkarı Damla tərəfindən oxumasına münasibət bildirib.
7Times.az bizim media-ya istinadən xəbər verir ki, sənətçi bu haqda qonaq olduğu “Səhər mərkəzi” verilişində danışıb.
Nadir sözügedən nəğməni Damlanın ifasında bəyəndiyini bildirib:
“10 gün əvvəl Damla mənə zəng edib söylədi ki, “Həsrət nəğməsi” mahnısını ifa etmək istəyirəm. İcazəsini verib söylədim ki, oxuyacaqsan, mən daha çox yada düşəcəyəm. Bu mahnı mənim sənət səhifəmə yazılıb. Bir çox verilişlərdə bu nəğməni ifa edirəm, amma tamaşaçı, dinləyici bu mahnıdan yorulmur.
Demək ki, ürəyə yatan əsərdir. Damla artıq mənim ikinici mahnımı oxuyur. “Sevgililər görüşəndə” nəğməmi “popuri”sinə salıb. Onda da məndən icazə istəmişdi. Bir müddət əvvəl “Sən sevirəm deyəndə” mahnımı da oxumuşdu. “Həsrət nəğməsi” heç də asan nəğmə deyil. Damla bu mahnını özünəməxsus tərzdə oxuyub”.