Ermənistanın baş naziri Nikol Paşinyan Tacikistanın paytaxtı Düşənbədə keçirilən Kollektiv Təhlükəsizlik Müqaviləsi Təşkilatının sammitində çıxış edərkən gülməli vəziyyət yaranıb.

7times.az xəbər verir ki, Nikol Paşinyan çıxış edir, lakin onu müşayiət edən, yanında yer alan erməni nazir isə ona əhəmiyyət vermir və yuxulayır.

Halbuki KTMT hərbi təşkilatdır və gündəlikdə duran məsələlər elə müdafiə nazirlərini məşğul etməlidir.

Lakin nədənsə Nikol Paşinyan çıxış edərkən Ermənistanın müdafiə naziri Arşak Karapetyanın göz qapaqları yumulur, bunun qeyri-ixtiyari olduğunu demək də çətindir.

Bir müdafiə naziri ölkəsinin baş naziri çıxış edərkən necə olur-olsun göz qapaqlarına nəzarət etməlidir, amma Karapetyan üçün Paşinyanın dedikləri “yuxu dərmanı”dır.

Arşak Karapetyan bir müddət öncə Ermənistan ordusuna Azərbaycanın sərhəddə yeni mövqelər qurmasına qarşılıq olaraq atəş açmaq əmri verməsi ilə gündəmə gəlmişdi.

Nəticəsi isə olmadı, qalib Azərbaycan ordusunun qarşısında əzik duruma düşən erməni əsgəri hansı sarsıdıcı atəş aça bilər axı!

Karapetyanın özünün qulağının dibində bir atəş açmaq lazımdır ki, oyansın…

Follow @7timesaz