“Moskvanın guya Pekindən hərbi yardım istəməsi ilə bağlı Çinin təkzibinə Kremlin əlavə edəcəyi heç nə yoxdur”.

7Times.az  TASS-a istinadən xəbər verir ki, bunu Kremlin sözçüsü Dmitri Peskov deyib.

“Rusiyanın START-da iştirakını dayandırmasına Qərbin reaksiyası onların danışıqlara hazır olacağına ümid etməyə əsas vermir. Rusiya Qərbin START ilə bağlı normal dialoq üçün hazır olmasını gözləyərkən səbirli olmalıdır. Qərb bizim narahatlığımızı nəzərə almağa hazır olan kimi Rusiya START-ın tətbiqinə qayıtmağa hazır olacaq. Rusiya Federasiyası kollektiv Qərbin “Şimal axını”nda təxribatla bağlı şəffaf araşdırma aparmaq istəməməsini görür. Rusiya “Şimal axını”nda təxribatların araşdırılmasına icazə verilməməsinə mənfi münasibət bəsləyir, bu, həqiqətin axtarışına mane olur. Rusiya üçün öz təhlükəsizliyini təmin etmək naminə hər şeyi etmək vacibdir, o cümlədən silahlara nəzarət məsələlərində də”, – deyə o bildirib.

Peskov əlavə edib ki, Putin bu gün Moskvada səfərdə olan Çinin baş diplomatı Vanq Yi ilə görüşəcək və Kreml Putin və Si Tsinpin arasında görüş konkretləşdikdən sonra tarixi açıqlayacaq.

Follow @7timesaz