“Qalatasaray” klubunun ev oyunlarını keçirdiyi “Nef stadionu”nun adı dəyişdirilib. 

Offsideplus.az xəbər verir ki, “sarı-qırmızılar “Rams Global”la 5 illik müqavilə imzaladığı üçün stadion yenidən adlandırılır. Stadionun yeni adı “Ali Sami Yen İdman Kompleksi Rams Park Stadionu” olacaq.

Klub bu anlaşmadan hər il 7,5 milyon avro gəlir əldə edəcək.

Qeyd edək ki, “Qalatasaray” “Ali Sami Yen stadionu”ndan 2011-ci ildə Seyrantəpədəki yeni stadionuna köçmüşdü. Klub 10 il “Türk Telekom”un sponsorluğu ilə çıxış etmiş, 2021-ci ildə stadionun sponsoru “Nef” olduqdan sonra adı dəyişdirilmişdi.