Dünən Avropa Liqasının 2-ci turu çərçivəsində keçirilən matçda – İsveç “Hekken”i ilə səfər oyununda 1:0 hesablı qələbəyə sevinən “Qarabağ” həm də büdcəsini yaxşılaşdırıb.

Fanat.Az-ın məlumatına görə, dünənki zəfər ağdamlılara daha 630 min avro qazandırıb.

Qrupa düşərək 3 milyon 630 min avro vəsait əldə edən “köhlən atlar” Bakıda Norveç “Molde”sini üstələdiyi üçün də 630 min qazanmışdı.

Beləliklə, “Qarabağ” AL-in qrupunda uğurlu mübarizə sayəsində gəlirini 4 milyon 890 min avroya çatdırıb.