İtaliyada naməlum şəxs Roma Papası Fransiskə içərisində 3 güllə olan məktub göndərib. 

7Times.az  xəbər verir ki, bu haqda məlumatı “Corriere della Sera” yayıb. Məlumata əsasən, Roma Papasına ünvanlanmış məktub poçt bölməsində aşkarlanıb.

Həmçinin bildirilir ki, zərfin içərisində güllələr ilə yanaşı məktub da olub. Məktubun Vatikan tərəfindən həyata keçirilən maliyyə əməliyyatlarına aid olduğu qeyd olunub.

Məktub ölkə polisinə təhvil verilib və hazırda araşdırma aparılır. İlkin məlumatlara görə, məktub Fransadan göndərilib.