Kristiano Ronaldo yenidən Çempionlar Liqasında oynaya bilər.
Offsideplus.az xəbər verir ki, UEFA “Əl Nəsr” komandasını 2024-2025 mövsümündə ÇL-də iştirak etməyə dəvət etmək istəyir. Buna səbəb ərəb klubunun hazırda dünyadakı 3 ən məşhur klublar arasında olmasıdır.
Bu barədə ərəb jurnalist Əl-Hərbi sosial şəbəkə hesabında məlumat yayıb.
Qeyd edək ki, daha öncə UEFA-nın prezidenti Aleksander Çeferin ərəb klublarının Çempionlar Liqasında oynaması ilə bağlı yayılan iddiaları təkzib etmişdi. Belə ki, bir müddət əvvəl ərəblərin UEFA-ya müraciət edərək, Avropa futbol qurumundan 2025-ci ildən etibarən ölkə çempionu olmuş komandanın ÇL-də iştirakına icazə verilməsini istədikləri xəbərləri yayılmışdı.
Follow @7timesaz