Bu ilin noyabr ayında Tatarıstanda Moskva və Tehran arasında imzalanan silah müqaviləsinə əsasən, 2025-ci ilin yayına qədər Rusiyada 6000 pilotsuz uçuş aparatı (PUA) istehsal edilməlidir.
“AzPolitika.info” xəbər verir ki, bu barədə ABŞ-ın “The Washington Post” nəşri məlumat yayıb.
Məlumatda qeyd olunur ki, bu layihə uğurlu olarsa, Rusiyaya getdikcə azalan sursat ehtiyatını qoruya, Ukraynanın əks-hücum səylərini zəiflədə, həmçinin öz mövqeyini kəskin şəkildə yüksəldə bilər.
Mediaya sızdırılan sənədlərə görə, Moskva artıq İranın “Şahed-136” dronlarına bənzər amma daha yüksək uçuş məsafəsi olan 1000-dən çox dron istehsal edib.
Qeyd olunur ki, Rusiya sənaye təcrübəsindən istifadə edərək İran dronlarını daha keyfiyyətli formada istehsal etməyə çalışır.
Follow @7timesaz