Sosial şəbəkələrdə yayımlanan “Rusiyaya köçmək vaxtıdır” adlı video klip böyük müzakirələrə səbəb olub.
“AzPolitika.info” xəbər verir ki, İspaniyadakı Rusiya səfirliyinin rəsmi “tviter” hesabından edilən paylaşımda, Rusiyaya turist cəlb etmək üçün “Gözəl qızlar və ucuz qaz üçün gəlin” ifadələri işlədilib.
Sosial şəbəkə istifadəçiləri paylaşımda “gözəl qız” ifadəsinin işlədilməsini birmənalı qarşılamayıb, qadınların bu cür kampaniyalarda istifadə edilməsinə etirazlarını bildiriblər.
Həmçinin video klipdə Rusiyaya köçmək səbəbi kimi- yaxşı yemək, gözəl qızlar, tarix, unikal memarlıq abidələri, vodka, ucuz qaz, elektrik və su kimi faktorlar göstərilib. Klibin sonunda “Gecikmə, qış gəlir” xatırlatması da böyük marağa səbəb olub.Qeyd edək ki, Ukraynanın işğalı fonunda Rusiyaya tətbiq edilən sanksiyalar ölkə turizminə də böyük ziyan vurub.
Follow @7timesaz