Moskvadakı Fransa səfiri Rusiya Xarici İşlər Nazirliyinə çağırılıb, ona Kremlin etirazı təqdim edilib.

7Times.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bugünkü brifinqdə deyib.

Onun sözlərinə görə, Rusiya Xarici İşlər Nazirliyi əməkdaşının Paris hava limanında saxlanması Moskvanın etirazına səbəb olub.

“Aprelin 6-da Şarl de Qoll hava limanında baş verənləri izah etmək mümkün deyil. Fransa sərhəd xidməti Rusiya Xarici İşlər Nazirliyinin əməkdaşını heç bir izahat vermədən saxlayıb, telefonunu və kompüterini müsadirə edib”, – Zaxarova bildirib.

Rusiya səfirliyi dərhal konsulluq əməkdaşını hava limanına göndərib. Diplomat rəsmi nümayəndə heyətinin tərkibində olan həmkarı ilə görüşmək üçün giriş və icazə almaq üçün təxminən 7 saat gözləməli olub.

“Aparılan demarşlar nəticəsində həmkarımıza sonda ölkəyə giriş icazəsi verildi, lakin o, bir gün hava limanının sərhəd zonasında qalmalı oldu”, – Zaxarova deyib.
Zaxarova Parisin səhnələşdirdiyi hadisəni “utancverici tamaşa” adlandırıb.

“Biz bunu nəticəsiz buraxmaq niyyətində deyilik. Nəticələrdən danışarkən, Yelisey Sarayının başa düşməsini istərdik ki, biz səfirin çağırışını və ya etiraz notasını nəticələr adlandırmırıq”, – XİN-in rəsmi nümayəndəsi qeyd edib.

Follow @7timesaz