Zəngin olmaq istəyən kişi bunun üçün qızını qurban vermək istəyib. Qorxunc hadisə Qananın Böyük Akkra bölgəsində qeydə alınıb.
Xoşbəxtlikdən, adam niyyətini həyata keçirməmiş saxlanılıb.
Məlumata görə, 42 yaşlı Evans Oppong “pul ritualı” yerinə yetirmək qərarına gəlib. Bu məqsədlə o, qızını yerli din xadiminə verib və qurban etməsini istəyib.
Din xadimi isə hadisə barədə polisə məlumat verib. Bundan sonra Oppong həbs edilib.
Hüquq-mühafizə orqanları atasının əlindən xilas edilən qızın 11 yaşında olduğunu bildirib.