Ötən aylarda rejissor Hamdi Alkandan boşanan türkiyəli aktrisa Selen Görgüzelin son açıqlaması səs-küy yaradıb.
Sfera.az bildirir ki, “2. Sayfa” verilişinin qonağı olan aktrisa mübahisə yaradacaq fikirlər səsləndirib.
Belə ki, Görgüzel “Yeməyə çıxan zaman hesabı ödəyərəm, amma sonra da kişiyə “ətəyimi sənə geyindirəcəm”, deyərəm. Özümü dəyərli hesab edirəm. Bu feminizm qadın-kişi balansını pozub, qadınların dəyərini heçə endirib. Yaxşı elədisə, bəs, qadınlar niyə futbol oynamırlar?”, deyə söyləyib.
Xatırladaq ki, bundan əvvəl Görgüzelin “Minimum maaşlı adamla sevgili olarsınızmı” sualına verdiyi cavab da gündəm olmuşdu. “Elə adam mənimlə yaşaya bilməz, kompleksə girir. Kişilik hissləri incinər. Yaxşı yerlərə apara bilməsə, qüruru sınar”, deyə söyləmişdi. Lakin tənqidlərdən sonra Görgüzel üzrxahlıq mesajı yayımlamışdı.