Türkiyənin Bursa vilayətinin İnegöl rayonunda sənaye zonasında fabrikdə baş verən yanğın nəzarət altına alınıb.
7Times.az “TRT Haber”ə istinadən xəbər verir ki, küləyin təsiri ilə ətrafa yayılan yanğın meşə məhsulları fabriklərini də bürüyüb.
Təxminən 10 fabrik yanıb. İnegöl və ətraf rayonlardan çoxlu sayda yanğınsöndürən hadisə yerinə göndərilib. Bölgədə zaman-zaman partlayışlar meydana gəlib.
Ehtiyat tədbiri olaraq yaxınlıqdakı fabriklər boşaldılıb.
Soyutma tədbirləri davam etdirilir.
18:50
Türkiyənin Bursa vilayətinin İnegöl rayonunda fabrikdə baş verən yanğın onun yanındakı daha 3 fabrikə keçib.
7Times.az “Haber Global”a istinadən xəbər verir ki, əraziyə cəlb edilən yanğınsöndürən qruplar alovlara müdaxilə edir.
Marşal Fevzi Çakmak küçəsində yerləşən sənaye zonasında fəaliyyət göstərən fabrikdəki yanğın qısa müddətdə yaxınlıqdakı daha 3 fabrikə yayılıb. Bu müəssisələrdə metal, mebel və iplik istehsal edilir.
Yanğının söndürlüməsi işləri hazırda davam etdirilir.
