Bursa Valisi Yakup Canbolat tək mühərrikli təyyarənin qəzaya uğraması ilə bağlı açıqlama verib.
O, 2 ev və avtomobilə ziyan dəydiyini və 2 pilotun həlak olduğunu açıqlayıb. Vali mülki təlim təyyarəsinin texniki səbəblərdən qəzaya uğramasının ehtimal edildiyini bildirib.
Vali həmçinin əlavə edib ki, ölənlərdən biri tələbə pilot olub.
***
17:00
Türkiyənin Bursa şəhərində təyyarə qəzası baş verib.
7Times.Az Türkiyə mətbuatına istinadla xəbər verir ki, Bursada Yunuseli hava limanı yaxınlığında tək mühərrikli təyyarə qəzaya uğrayaraq evlərin arasına düşüb.
Qəzadan dərhal sonra yanğın başlayıb.
Hadisə yerinə 20 yanğınsöndürən və təcili yardım maşınları göndərilib.
Xəsarət alanların və ya itkilərin olub-olmaması ilə bağlı hələlik məlumat paylaşılmayıb.
Təyyarənin qəzaya uğraması böyük çaxnaşmaya səbəb olub, 4 avtomobil alovlar içində qalıb.
Follow @7timesaz