Rus ordusu tərəfindən mühasirəyə alınmış Mariupolun müdafiəsinə cəlb olunan qüvvələrdən biri də Ukraynanın Azov batalyonudur.
Yeniavaz.com xəbər verir ki, “BBC” batalyan haqqında yazı dərc edib.
Bildirilib ki, Azov batalyonu Ukraynanın ümumi qüvvələrinin kiçik bir hissəsini təşkil edən, lakin Rusiya müharibəsi başlayandan bəri xəbərlərin manşetlərində olan 1000 nəfərdən ibarət kiçik bir qüvvədir.
Azov batalyonu öz adını Mariupolun sahəsində yerləşdiyi Azov dənizindən götürüb. O, 2014-cü ildə Ukraynanın şərqinin bir hissəsini ələ keçirən Rusiyanın dəstəklədiyi separatçılara müqavimət göstərmək üçün yaradılmış ultramillətçi milis dəstəsi kimi fəaliyyətə başlayıb.
Lakin o vaxtdan Milli Qvardiyanın tərkibində Ukrayna hökumətinin nəzarəti altına alınıb. Batalyon Rusiyaya nifrətləri ilə birləşən millətçilərin, ultramillətçilərin və digər gənclərin qarışığından ibarətdir və onların çoxu rusdillidir.
