Böyük Britaniyanın Ukraynaya “Challenger-2” tankı göndərmək qərarından sonra ukraynalı hərbçilərə təlim keçməyə başlayıb.
7Times.az xəbər verir ki, Britaniya Müdafiə Nazirliyindən verilən açıqlamada ölkənin cənub-qərbində Ukrayna əsgərlərinin təlimlərinin davam etdiyi bildirilib.
“Birləşmiş Krallıq tərəfindən “Challenger-2” çərçivəsində Ukrayna əsgərlərinə verilən təlim tam sürətlə davam edir. Britaniya Ukraynanın müdafiəsini dəstəkləmək üçün 14 tank və sursat göndərməyi öhdəsinə götürüb”- deyə, açıqlamada bildirilir.
Qeyd edək ki, Ukrayna hərbçilərinin təlimlərini izləyən Böyük Britaniyanın müdafiə naziri Ben Uelles bildirib ki, “Challenger-2” tanklarında təlim keçən ukraynalı əsgərlərlə görüşmək ruhlandırıcıdır: “Onların ölkələrinin azadlığı üçün uğur qazanmaq əzmi Rusiyaya güclü mesaj verir. Ukraynalılar mübarizəni davam etdirəcəklər. Biz Ukraynanı dəstəkləmək üçün lazım olanı təmin etməyə davam edəcəyik”.
Follow @7timesaz