Ukraynanın müdafiə naziri Oleksiy Reznikov Ukraynaya 775 milyon ABŞ dolları dəyərində hərbi yardım təqdim etdiyinə görə ABŞ-a minnətdarlığını bildirib və yardım paketinin nədən ibarət olduğunu açıqlayıb.

“Report” UNİAN-a istinadən xəbər verir ki, bu barədə o, tviterdə yazıb.

Nazirin məlumatına görə, paketə HIMARS üçün hərbi sursat, 16 105 m-lik haubitsalar+hərbi sursatlar, 15 “ScanEagle” PUA-sı, 40 “MaxxPro” avtomobili, radiolokasiya sistemlərinə qarşı yüksək sürətli HARM (High-Speed Anti-Radiation Missile) raketləri, 50 Yüksək Hərəkətli Çoxməqsədli Nəqliyyat Vasitəsi HMMWV (High Mobility Multipurpose Wheeled Vehicle), 1500 tankəleyhinə idarəolunan raket, 1,000 “Javelin” raketi və digər avadanlıqlar daxildir.

Follow @7timesaz