“WikiLeaks”in qurucusu Culian Assanc 2019-cu ildən həbsdə olduğu Böyük Britaniyanın paytaxtı Londonun Belmarş həbsxanasında insult keçirib.

7times.az “Daily Mail” nəşrinə istinadən xəbər verir ki, bu barədə onun həyat yoldaşı Stella Morrisə məlumat verib.

Qadının sözlərinə görə, hadisə oktyabrın 27-də Assancın London Ali Məhkəməsində videobağlantı vasitəsilə çıxışı zamanı baş verib.

Hadisə “WikiLeaks”in qurucusunun səhhətinə pis təsir edib: onun sağ göz qapağı sallanıb, yaddaş problemi yaranıb, nevroloji zədələnmə əlamətləri var. Assanc beynin maqnit rezonans tomoqrafiyasından keçib və insulta aid dərman qəbul edir.

Böyük Britaniyanın Ədliyyə Nazirliyi xəbərə münasibət bildirməkdən imtina edib.

Follow @7timesaz