Xaçmaz rayonunda iki qonşu evdə yanğın olub.
“Report”un Şimal bürosu xəbər verir ki, hadisə rayonun Həsənqala kəndində qeydə alınıb.
Belə ki, kənd sakini İmran Hacıyevə məxsus 3 otaqlı birmərtəbəli fərdi yaşayış evi əşyaları ilə birlikdə tamamilə yanıb.
Yanğın qonşuluqdakı Valeh Məmmədova məxsus 3 otaqlı fərdi yaşayış evinə də keçib. Nəticədə evin 6 kvadratmetr sahəsi yanıb.
Hadisə yerində FHN-in Xaçmaz Dövlət Yanğından Mühafizə Hissəsinin 2 yanğınsöndürən avtomobili və canlı qüvvəsi cəlb olunub.
Hadisənin baş vermə səbəbləri araşdırılır.
