Yer kürəsində zəif maqnit qasırğası başlayıb.

“7Times.az” Rusiya KİV-ə istinadən xəbər verir ki, bu barədə “Fobos” hava mərkəzinin aparıcı mütəxəssisi Mixail Leus bildirib.

“Bu səhər planetimizdə G1 sinifli zəif maqnit qasırğası başlayıb. 8 saat 50 dəqiqədən sonra geomaqnit sahəsinin pozulma səviyyəsini əks etdirən Kp indeksi 5 vahidə çatıb”, – o deyib.

Sinoptikin sözlərinə görə, gün ərzində geomaqnit sahəsinin əsasən bir qədər pozulacağı, qısamüddətli zəif maqnit qasırğaları gözlənilir.